Weblog
Monday, 16 February 2009
-
貓貓離開左我啦......大霸
今晚7:18分好安詳咁離開左.............
原來我都識流淚,記得對上果次流淚係小學果陣
Miss u ............
-
貓貓終於都支持唔住啦,佢真個樣係好辛苦
一個上午我見佢都嘔左三次,我覺得佢連行都好辛苦
天啊,隻貓仔一歲都未夠你就咁樣折磨佢
今晚忍痛下左個決定.......................
我咁做究竟啱定錯呢
唔知佢係咪知道呢....病情一路轉差既呢兩三個星期,都無听個佢既叫聲
今日竟然係咁听到佢叫........
我真係好唔捨得大霸啊.........
Wednesday, 11 February 2009
-
大霸呢一兩日唔係好食野,愈黎愈擔心
會唔會我最唔想發生既事將會發生呢
Tuesday, 03 February 2009
-
今日終於接左貓貓返黎啦....
跟住下星期要去覆診
雖然佢返左黎我好開心,但另一方面.........
其實佢宜家同擺左個計時炸燀係身到無分別
因為佢隨時都有機會番發,而下一次番發我地就要..........
考慮人道毀滅
一來佢可能都辛苦,二來醫佢既費用實在太昂貴
所以我真係真係要好好珍惜呢段最後既日子
我都唔敢想象失去佢果日我會點樣............
因為我實在太鐘意呢兩隻貓貓啦,無左邊隻我都會好唔開心
淨係見到佢因為要吊鹽水同抽血要涕左一D毛我已經覺得心痛喇
所以.............唉
Monday, 02 February 2009
-
前日我隻貓貓入左醫院啊,醫生話佢個腎有事
早排因為咁成日唔食野搞到體型暴瘦,佢細佬就好鬼肥大
身型簡直係大佬既一倍有多
留院直至尋日,吊左一晚鹽水先精神返Ｄ肯自己食返野
醫生話佢呢個病一定會番發,只係時間問........
一星期唔定,一個月唔定,一年唔定.......
跟住返到屋企媽咪同我講,到佢下次番發,可能要考慮人道毀滅
因為淨係貓貓留院既呢三日已經大概使左五千幾蚊（等於我一個月既學費）
唉......如果呢一日真係發生,我真係唔知點算,一定有排唔開心
淨係知道佢要入院,我都已經失眠啦.............
雖然我地相處既時間好短,得半年多Ｄ,
但己經建立左一份好深厚既感情啦,我真係當正佢地係我屋企既一份子啦
所以......如果........
如果祈禱可以有幫助,我真係願意信教
Chatboard (0)